Анкета: Расте рејтингот на Путин во САД

Се истакнува дека негативно мислење за Русија имаат, како и претходно, 70% од анкетираните. Во исто време бројот на оние кои се искажале позитивно за Русија пораснал на 28%, пренесува „Взгљад“.

Позитивен став за претседателот на Русија Владимир Путин имаат 22% Американци, што е рекорден показател од 2004 година. Во 2015 година за Путин позитивно зборуваа само 13% Американци. Негативно мислење за Путин имаат 72%.

Од резултатите на анкетата се забележува поделба по партиски признак. Значително го подобриле своето мислење за Путин републиканците: пред две години позитивно за него се изјаснуваа само 12% од анкетираните, додека сега тој процент изнесува 32. Покрај тоа, подобрување на рејтингот на Путин меѓу Американците е забележливо и меѓу неутралните испитаници, кои не припаѓаат на ниедна партија: сега тие се 23%, наспроти 12% во 2015 година.

Зошто претседателот на Русија користи имиџ на мачо?

Демократите, напротив, имаат сѐ пониско мислење за Путин – процентот на оние кои имаат позитивно мислење за Путин се намалил од 15% на10%. Мислењето за Русија во целина исто така е поделено по партиска припадност. 35% републиканци зборуваат позитивно за Русија, додека само 16% демократи го делат истото мислење.

„Попријателскиот пристап на претседателот на САД Доналд Трамп кон Путин, веројатно, придонесува за попозитивен став спрема него кај приврзаниците на претседателската партија. ОД друга страна, оцените за рускиот лидер кај демократите сѐ уште се наоѓаат на мошне ниско ниво“, се вели во истражувањето.

„Галуп“ прецизира дека 2017 година очигледно ќе стане пресвртна во јавното мислење во САД за Русија и Путин, затоа што сѐ уште е можно „затоплување“ меѓу двете земји, за што претходно зборуваше Трамп.

Анкетата беше спроведена од 1 до 5 февруари, во неа учествуваа 1035 возрасни Американци од сите 50 држави.

При користење на материјалите на Russia Beyond задолжителен е хиперлинк до изворот од кој е преземен материјалот.