Првиот круг од претседателските избори во Еквадор го доби... Ленин

20 февруари 2017

Руска реч на македонски

Според резултатите од претседателските избори што се одржаа во неделата во Еквадор, води Ленин Морено, кандидат на „Алијанса ПАИС“ и протеже на сегашниот претседател Рафаел Кореа, соопшти Централната изборна комисија.

Како што соопшти претседателот на изборната комисија Хуан Пабло Поцо, по обработката на 51,8% од гласачките ливчиња Морено има 38,26% од гласовите. Него го следи претставникот на движењето КРЕО-СУМА Гиљермо Ласо со 29,86%, пренесува „Взгљад“.

Вова, Владимир, Владимир Владимирович: што значат руските имиња?

За да победи во првиот круг, кандидатот мора да добие повеќе од 50% од гласовите, или 40%, но разликата меѓу него и противникот треба да биде 10%. На тој начин, во Еквадор ќе се одржи втор круг избори, за кој се очекува да биде на 2 април.

Ленин Волтер Морено Гарсес е адвокат и политичар. Заменик-претседател на Еквадор од 2007-2013. Од 2013 година е специјален пратеник на Генералниот секретар на ООН за попреченост и пристапност.

Необичното име го добил од татка си кој ја идеализирал руската револуција.

При користење на материјалите на Russia Beyond задолжителен е хиперлинк до изворот од кој е преземен материјалот.

русија и латинска америка Накратко