„На самитот на НАТО во јули минатата година во Варшава, првпат од 1989 година Русија беше наречена главна закана за безбедноста на Алијансата, а нејзиното одвраќање официјално беше прогласено за нова мисија на НАТО. Со таа цел се врши понатамошното проширување на пактот. Тоа и претходно се правеше, но сега најдоа друго, како што им се чини, посериозно објаснување, изјави Путин на колегиумот на ФСБ, пренесува „Взгљад“.
„Забрзаа процесите на распоредување стратешко и конвенционално вооружување надвор од националните граници на водечките држави кои се дел од неа (Алијансата)“, додаде Путин.
„Нас одвреме-навреме, всушност, постојано нѐ провоцираат и се стремат да нѐ вовлечат во конфронтација“, изјави претседателот на Русија.
Путин додаде дека „не престануваат обидите за мешање во нашите внатрешни работи со цел дестабилизација на општествено-политичката ситуација во Русија“.
Како што истакна претседателот на Русија, во текот на минатата година ситуацијата во светот не се стабилизирала, не се подобрила. „Напротив, многу од постојните предизвици и закани само се влошија, се засили воено-политичкато и економското соперништво меѓу глобалните и регионалните центри на влијание, одделни држави“, изјави тој.
Путин прецизираше дека во низа земји на Блискиот Исток и Африка во тек се конфликти со учество на терористички армии кои добиваат поддршка од некои земји.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче