„Хирург” ќе отвори Меѓународен младински центар во Севастопол

Планирано е центарот да се занимава со спортска, воено-патриотска и научна дејност.

Мото-клубот „Ноќни волци“ заедно со Рускиот младински сојуз планира да отвори во Севастопол Меѓународен младински центар, во кој ќе се одржуваат спортски и воено-патриотски натпреварувања.

Како што изјави за RT претседателот на мото-клубот Александар Залдастанов-Хирург, планирано е центарот да биде изграден покрај ридот Гасфорт во близина на Севастопол. Центарот ќе биде отворен не само за деца и млади од Русија, туку и од странство.

Претседателот на Рускиот младински сојуз Павел Красноруцки потврди за RT дка проектот се наоѓа во фаза на изработка. Планирано е центарот да биде отворен во август, кога во Севастопол треба да се одржи Меѓународно бајкерско шоу.

Водачот на „Ноќните волци“ додава дека за таков меѓународен центар е потребна инфраструктура, која ќе биде изградена по завршувањето на проектот.  

Планирано е центарот да се занимава со спортска, воено-патриотска и научна дејност.

„Сакаме да развиеме методологија на патриотско воспитување. Имајќи го предвид нашето повеќегодишно искуство во оваа сфера, мислам дека тоа ќе ни појде од рака“, додава Залдастанов.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.