Кремљ негира договор со Трамп за Украина

Портпаролот на Кремљ Дмитриј Песков изјави дека не подготвува договор со САД за Украина.

Информациите во некои американски медиуми дека Кремљ подготвува договор за Украина со новата администрација на САД не соодветствуваат на реалноста, изјави портпаролот на претседателот на Русија Дмитриј Песков, пренесува „Лента.ру“.

„Невозможно е внатрешниот украински конфликт да може да биде предмет на некаков договор. Оваа информација на ниеден начин не соодветствува на реалноста“, изјави Песков.

Портпаролот на Кремљ, исто така, истакна дека „предмет на договор не може да биде судбината на луѓето кои живеат во Донбас и кои сега де факто се отфрлени од својата сопствена држава“.

Во исто време, според Песков, Москва се надева дека Вашингтон „на еден или друг начин ќе го искористи своето влијание за сепак да го убеди Киев да ги исполни преземените обврски во однос на спроведувањето на „Минската спогодба“ и да се откаже од агресивната тактика во решавањето на овој проблем која ја видовме последниве денови“.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.