Кремљ категорично ги демантира обвинувањата дека сто зад убиството на Гиви

Портпаролот на претседателот на Русија Дмитриј Песков изјави дека убиството во самопрогласената Донецка Народна Република на командантот Гиви претставува очигледен обид за дестабилизација на ситуацијата во Донбас: Кремљ ги отфрла сите обвинувања за вмешаност на Русија во настанот.

Портпаролот на претседателот на Русија Дмитриј Песков изјави дека убиството на командантот на баталјонот на бунтовниците „Сомалија“, Михаил Толстих-Гиви, претставува уште еден очигледен обид за дестабилизација на ситуацијата во Донбас.

„Очигледно се работи за обиди за дестабилизација на ситуацијата во Донбас. Се разбира, се надеваме дека постои извесна резерва на стабилност и дека оние кои стојат зад ваквите убиства нема да успеат да предизвикаат понатамошна ескалација“, изјави Песков, пренесува „Взгљад”.

Кремљ отфрла секакво обвинување за вмешаност во овој настан.

„Ние апсолутно и недвосмислено (...) ги отфрламе обвинувањата против руската страна за вмешаност, за тоа не може да стане ни збор“, изјави Песков.

 

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.