Лукашенко ја обвинува Русија за прекршување на меѓународните договори

Претседателот на Белорусија реагираше на воспоставувањето погранична зона меѓу Русија и Белорусија.

„Замислете: постојат меѓудржавни договори и спогодби. И некојси министер, макар да е и силен, ФСБ-шник и слични, со еден потег на перото стави крст на сите договори, издавајќи своја наредба - 801, 802, 803. Јас дури и ги кажувам броевите на тие наредби...Министерот со еден потег на перото го прецрта тоа. Нормално ли е тоа?“, изјави Лукашенко на големата прес-конференција во Минск.

Русија воспостави погранична зона на границата со Белорусија

Тој го нарече создавањето погранични зони „непромислени, некоординирани чекори“ кои ги влошуваат односите меѓу двете земји и истакна дека така не треба да се прави, затоа што Москва и Минск и без тоа имаат доволно проблеми.

Притоа Лукашенко потенцираше дека „за нас Русинот никогаш не бил туѓинец и нема да биде“, пренесува РИА „Новости“.

При користење на материјалите на Russia Beyond задолжителен е хиперлинк до изворот од кој е преземен материјалот.