Светот може да гледа преноси од Бољшој театар

Првиот директен пренос од театарот „Бољшој“ годинава се одржа на 22 јануари со „Заспаната убавица“ на Чајковски.

Московскиот Бољшој театар продолжува со практиката започната во 2016 година. Гледачите ширум светот ќе имаат можност преку директни преноси и снимки во кино да ги погледнат балетските претстави од 241 театарска сезона.

Првиот директен пренос годинава се одржа на 22 јануари со балетот на Петар Илич Чајковски „Заспаната убавица“. Во февруари, март и април следуваат други претстави, соопшти за „Руска реч на македонски“ прес-службата на театарот Бољшој.

За 5 февруари е планирано прикажување на најпопуларниот руски балет „Лебедово езеро“ со кореографија на Јуриј Григорович.

На 9 март ќе се одржи директен пренос од балетите-едночинки, поставени од кореографите Харалд Ландер, Џером Робинс и Алексеј Ратмански.

Преносот од 241 сезона завршува на 9 април: преку директен пренос ќе биде прикажан балетот на Јуриј Посохов и Кирил Серебреников „Херој на нашето време“.

Директните преноси на претставите од Бољшој театар во киното ги реализира компанијата Pathé Live.

Списокот на градови и кина во кои може да се гледаат руските балети од Бољшој театар можете да го најдете на pathelive.com.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња