Сенатори на САД ѝ се закануваат на Русија со нови санкции

Сенатори на САД планираат во вторник да соопштат за воведувањето на нови „сеопфатни“ санкции против Русија во врска со сајбер-нападите кои ѝ се припишуваат на Русија, соопштува агенцијата „Ројтерс“.

Во Конгресот на САД ќе биде доставен предлог-закон со кој се предвидува воведување „сеопфатни“ санкции против Русија поради нејзините „обиди да влијае на изборите во 2016 година“, пренесува „Взгљад“.

Со таква иницијатива истапија сенаторот-републиканец Џон Меккејн и сенаторите-демократи Бен Кардин и Роберт Менендес.

Содржината на мерките не се наведува.

На 29 декември 2016 година САД воведоа нови санкции против државјани и организации на Русија, вклучувајќи ги и ФСБ, и протераа 35 руски дипломати и членови на нивните семејства.

Истиот дена НСА и ФБИ објавија заеднички документ во кој се обвинуваат руските власти за вмешаност во сајбер-нападите со цел да се помогне за победата на кандидатот од редовите на Републиканската партија Доналд Трамп.

Москва ги отфрла сите обвинувања. 

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.