Кремљ: деградацијата на односите со САД е без преседан

Раководството на Русија жали што во текот на вториот мандат на администрацијата на Барак Обама се случи невидена и континуирана деградација на односите со САД и се надева дека земјите ќе успеат да излезат на „попозитивна траекторија“, изјави портпаролот на претседателот на РФ Дмитриј Песков.

„Резултатите од претседателствувањето на Обама се внатрешна работа на САД, ние не би сакале да се мешаме во тоа“, изјави Песков, изразувајќи притоа длабоко жалење поради тоа што токму во тоа време настана период на невидена и континуирана деградација на билатералните односи.

Според него, настанатата ситуација не им одговара на интересите на Русија и САД. Москва се надева дека во иднина ќе се успее да се излезе на попозитивна траекторија на изградбата на односите со Вашингтон, пренесува „Взгљад“.

Песков исто така истакна дека новите санкции на САД против Русија – проширувањето на „списокот Магнитски“ од страна на Вашингтон – се дополнителни чекори за вештачка деградација на билатералните односи.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.