Кремљ одговори на извештајот на тајните служби на САД за хакерските напади

Извештајот на САД, во кој се обвинува Русија за хакерските напади, потсетува на „лов на вештерки“ и таквите неосновани обвинувања стануваат заморни, изјави портпаролот на претседателот на Русија Дмитриј Песков.

„Ние, како и претходно, секаква вмешаност на Москва и обвинувањата за тоа дека во какви било хакерски напади можат да бидат вмешани официјални лица или официјални институции на Руската Федерација, категорично ги отфрламе“, изјави Песков, пренесува РИА „Новости“.

Притоа тој истакна дека Москва веќе „сериозно се умори“ од тие обвинувања.

„Ние разбираме дека нашите американски колеги во разни етапи од својата историја вршеле такви етапи со „лов на вештерки“. Ние се сеќаваме на тие периоди од историјата. Знаеме дека потоа нив ги заменуваат потрезвени стручњаци, потрезвени пристапи кои сепак се ориентирани на дијалог, а не на такви емоционални испади“, додаде Песков.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.