Пет лица уапсени во Турција за убиството на амбасадорот Карлов

Се соопштува дека 4 од 5 уапсени лица биле колеги на убиецот Алтинташ.

Турската полиција уапси пет лица како дел од истрагата за убиството на рускиот амбасадор Андреј Карлов во Анкара, соопшти во саботата агенцијата „Анадолу“, повикувајќи се на обвинителството на градот Измир.

Се соопштува дека 4 од 5 уапсени лица биле колеги на убиецот Алтинташ во полицијата. Според информацијата од обвинителството, петтиот уапсен човек е активист на организацијата на опозицискиот исламски проповедник Фетула Ѓулен (FETÖ). Овој активист ги предводел приврзаниците на организацијата од полициското училиште во Измир, каде што поминал обука и Алтинаш, пренесува РИА „Новости”.

Според верзијата на обвинителството, координатор од организацијата FETÖ е Сулејман Ерген. Исто така се наведуваат и имињата на уапсените припадници на полицијата: Илкер Ер, Абдулкадир Јагин, Ердоган Ердинчли и Зија Шехитоглу, кои се обвинети за „членство во вооружена терористичка организација“.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.