Амбасадата на САД во Москва доби 35 покани за Кремљовската елка

Дипломатската мисија на САД во Москва доби 35 покани за новогодишната елка во Кремљ за децата на дипломатите, соопшти амбасадата, одбивајќи да коментира дали Американците ќе ги искористат поканите.

„Благодарни сме за 35 покани за новогодишната елка во Кремљ“, изјави претставник на амбасадата, пренесува „Взгљад“.

Тој одби да одговори колку покани ќе бидат искористени, повикувајќи се на тоа дека тој не може да ги коментира личните планови на семејствата на дипломатите.

Претходно рускиот претседател Владимир Путин одби да одговори со реципрочни мери на својот американски колега Барак Обама, кој одлучи при крајот на својот претседателски мандат да протера 35 руски дипломати и нивните семејства надвор од земјата пред Нова Година.

Наместо тоа, Путин ги покани американските дипломати заедно со нивните деца да ги посетат новогодишните елки во Кремљ.

Министерството за надворешни работи на РФ ја објасни таа одлука, велејќи дека Русија ги земала предвид интересите на семејствата на американските дипломати.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.