Путин зборуваше за своите шанси за учество во претседателските избори 2018

Претседателот на Русија Владимир Путин вети дека ќе соопшти дали ќе учествува на изборите за нов шеф на државата во 2018 година кога „ќе созрее времето“.

Ова претсеателот на Руската Федерација го изјави на големата прес-конференција во петокот, 23 декември, пренесува „Лента.ру“.

„Ќе гледам што се случува во земјата, во светот. И поаѓајќи од тоа што сме направиле, поаѓајќи од тоа што можеме да направиме, како треба да правиме, ќе биде донесена одлука и за моето учество или неучество во идните избори за претседател на Руската Федерација“, изјави шефот на државата.

Претходно на 22 декември портпаролот на шефот на руската држава Дмитриј Песков изјави дека прашањето за претседателските избори не е на агендата на Кремљ.

На 13 декември основачот на Фондот за борба против корупцијата Алексеј Навални соопшти дека ќе се кандидира за претседател на Русија. Такви намери има и бизнисменот Сергеј Полонски, кој е во притвор поради измама.

Изборите за претседател на Русија ќе се одржат во март 2018 година.

 

 

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња