Алепо под целосна контрола на сириската армија

Градот Алепо е во целост ослободен од терористите и се наоѓа под контрола на владините сили, соопшти командата на сириската армија.

„Оваа победа е стратешка и има важно пресвртно значење во борбата со тероризмот од една страна и уништувачки удар за проектот на терористите и оние кои ги поддржуваат“, се истакнува во изјавата што ја пренесува РИА „Новости“.

Во четвртокот колона возила, составена од 15 автомобили и 4 автобуси, ја одвезе од источно Алепо последната група милитанти.

Евакуацијата на милитантите почна на 15 декември, но беше запрена следниот ден, откако милитантите го прекршија договорот и се обидоа да одвезат со себе заробеници и оружје. Според различни податоци, во текот на евакуацијата, источно Алепо го напуштиле околу 40000 луѓе, вклучувајќи и милитанти.

Како што потенцираше претседателот на Сирија Башар Асад, ослободувањето на Алепо од терористите е заслуга на сириската армија и сите нејзини сојузници, особено на Русија и Иран.

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња