Столтенберг ја повика Русија посмирено да гледа на проширувањето на НАТО

Генералниот секретар на НАТО Јенс Столтенберг изјави во четвртокот дека не се согласува со позицијата на Москва која го смета процесот на проширување на Алијансата за провокација.

„Не, не разбирам кога Русија изразува мислење дека проширувањето на НАТО во Централна и Источна Европа е провокација“, изјави тој држејќи предавање на универзитетот Оксфорд.

Столтенберг потсети дека секоја земја сама го избира својот пат.

„Значи, НАТО не е оној кој се проширува, туку Полска, Естонија, Латвија, Литванија и Унгарија самите изразија желба да ѝ се приклучат на Алијансата“, објасни генералниот секретар.

Тој потенцираше дека ниту РФ, ниту другите земји немаат право да ја решаваат судбината на соседните држави.

„Русија би требало да се опушти и да го прифати фактот дека соседите сами можат да си го одберат патот“, изјави Столтенберг, пренесува „Интерфакс“.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.