Кремљ демантира дека Русија ги купила „Мистралите“ за еден долар

Портпаролот на рускиот претседател Дмитриј Песков го демантира полскиот министер за одбрана Мациеревич.

Портпаролот на Кремљ Дмитриј Песков ја коментираше изјавата на министерот за одбрана на Полска Антони Мациревич кој, повикувајќи се на „добри извори“, соопшти дека Египет за еден долар ѝ ги продал на Русија носачите на хеликоптери „Мистрал“. Ова портпаролот на претседателот на Русија го изјави во петокот за телевизијата „Русија 24“.

„Не мислам дека тоа се сигурни извори. Мислам дека според сѐ, тоа се објаснува со претераниот емоционален фон кој владее последниве недели во Варшава. Фон кој, за жал, не сите се способни да го сварат, не сите се способни адекватно да реагираат на него. Тоа е апсолутна глупост“, изјави тој.

Изјавата на полскиот министер за одбрана беше критикувана и од Министерството за одбрана на Русија. „Изјавите на Антони Мациеревич дека Русија ги набавила од Египет „Мистралите“ се петочна глупост“, изјави портпаролот на МО РФ Игор Конашенков, пренесува „Лента.ру“.

 

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња