Кери ветува „одговор“ за Русија поради хакерските напади

11 октомври 2016

Руска реч на македонски

Властите на САД „ќе одговорат“ на хакерските напади врз американските политички институции, за кои Вашингтон ја смета Русија за одговорна, изјави државниот секретар на САД Џон Кери.

Како што изјави Кери, администрацијата на САД ги припишува тие напади на Русија, затоа што е „сигурна во процената направена преку разузнавачката заедница“, пренесува „Взгљад“.

„И ние ќе успееме да одговориме и ќе одговориме (на кибер-нападите) на начинот кој ќе го избереме и во време кое ќе го избереме“, изјави Кери.

Според него, Вашингтон веќе испратил „извонредно јасен“ сигнал „до Русите за неприфатливоста на мешањето во демократијата во САД“.

САД сакаат да воведат санкции против РФ поради кибер-нападите

Стенограмите од настапот на државниот секретар на САД во Пало Алто беа објавени од прес-службата на Стејт департментот на САД.

Минатата недела сенатор на САД реши да предложи закон за санкции против Русија поради кибер-нападите

Истиот ден портпаролот на рускиот претседател Дмитриј Песков истакна дека сајтот на претседателот на Русија е секојдневно изложен на напади кои доаѓаат и од територијата на САД, но Москва не го обвинува Вашингтон за тоа.

Сите права ги задржува „Росијскаја Газета“.

русија и сад Накратко