Оланд жали за санкциите против Русија

30 август 2016

Руска реч на македонски

Претседателот на Франција Франсоа Оланд изјави дека жали за влошувањето на односите со Русија и дека укинувањето на санкциите е во интерес на сите.

„Украинската криза влијаеше на односите на Русија со европските земји. На мој поглед, ситуацијата заслужува жалење, затоа што им нанесува штета на сите страни, на пример, на заедничките економски проекти, поради санкциите. Затоа сме сите заинтересирани што е можно побрзо да го најдеме најдобриот излез од оваа ситуација“, изјави Оланд, говорејќи пред француските амбасадори на годишната конференција на МНР Франција.

Русите се загрижени за санкциите

Политичарот истакна дека врските меѓу Франција и Русија отсекогаш биле тесни и сигурни, пренесува РИА „Новости“.

Оланд исто така изрази надеж дека може да се воспостави високо ниво на односите, истакнувајќи дека Москва одговорно пристапува кон решавање на кризите, на пример, во Сирија и Украина. Според зборовите на францускиот политичар, тој се надева на скора обнова на дискусиите во „Нормандиски формат“ (Русија, Франција, Германија и Украина).

Сите права ги задржува „Росијскаја Газета“.

русија и еу Накратко