Рускиот разузнавачки авион А-100 „Премиер“ ќе полета во 2018 година

22 август 2016

Руска реч на македонски

Рускиот авион за радиолокациско разузнавање А-100 „Премиер“ првиот лет ќе го има во 2018 година, пишува весникот „Известија“ повикувајќи се на извори од Министерството за одбрана на Русија.

Како што се наведува, во март 2017 година радиолокациската опрема на „Премиер“ првпат ќе биде подигната во воздух, а за тоа ќе помогне авионот Ил-76МД-90А, попознат како Ил-476, по што опремата конечно ќе биде инсталирана во А-100.

Русија го испрати во Сирија најсовршениот шпионски авион

Во работите за изработка на новиот авион-локатор учестуваа неколку десетици руски компании од одбранбената индустрија, меѓу кои се и „Обединетата корпорација за производство на авиони“, холдингот „Технодинамика“, и концернот „Алмаз-Алтеј“.

Иако нема многу информации за авионот, се наведува дека А-100 „Премиер“ ќе биде снабден со современ радиотехнички систем со активна фазна антенска решетка (АФАР) од последна генерација.

Се верува дека таквиот систем ќе претставува клучна алка во известувањето и управувањето за сите видови војска во состав на Вооружените сили на Русија, пишува „Известија“.

Сите права ги задржува „Росијскаја Газета“.

руска војска Накратко Руска војска