Пентагон испрати порака до Асад преку Москва

Американската војска ги предупредила руските колеги дека испратила авиони-ловци за заштита на специјалните сили во реонот на градот Хасеке. Според тврдењето на Американците, авијацијата на Сирија извршила напад врз терен на кој се наоѓаат американски сили. САД решиле да ги заштитат своите војници од воздух, соопшти портпаролот на Министерството за одбрана на САД Џеф Дејвис, пренесува ТАСС.

Постои ли ризик за судир помеѓу РФ и САД во Сирија?

„Веднаш се поврзавме со Русите преку каналот за врска отворен со цел спречување на конфликти во воздух за да ја осигураме безбедноста на коалициските сили“, изјави Дејвис.

САД ја замолиле Москва да им пренесе на сириските власти дека во случај на потреба авијацијата на коалицијата ќе ги заштити американските копнени сили.

Инцидентот се случил на 18 август. САД го зајакнале патролирањето во реонот на Хасеке.

Сите права ги задржува „Росијскаја Газета“.