Олимпискиот комитет одговори на обвинувањата на WADA

Претходно во Торонто беше објавен извештајот на Светската антидопинг агенција (WADA). Шефот на комисијата Ричард Мекларен изјави дека одлуката за манипулации со допинг-примероците ја донел лично заменик-министерот за спорт на Русја Јуриј Нагорни, додека првиот човек на министерството Виталиј Мутко наводно знаел за махинациите.

По објавувањето на извештајот WADA препорача исклучување на спортистите од Русија од меѓународните натпреварувања, вклучувајќи ја и Олимпијадата во Рио де Жанеиро.

Од Олимпискиот комитет на Русија изјавија дека обвинувањата наведени во извештајот треба да бидат целосно истражени. Комитетот истакна дека е подготвен да ја даде неопходната поддршка на стручњаците на антидопинг агенцијата.

Исто така, од ОКР потсетија дека сите обвинувања на адреса на Русија се базираат на зборовите на еден човек – Григориј Родченков.

u0418u0441u0438u043du0431u0430u0435u0432u0430: u043du0430 u0418u0410u0410u0424 u201eu043cu043eu0436u0435u043bu0435 u0434u0430 u045d u043du0430u0440u0435u0434u0430u0442u201c u0434u0430 u043du0435 u0433u0438 u043fu0443u0448u0442u0438 u0420u0443u0441u0438u0442u0435 u043du0430 u041eu0418 u0432u043e u0420u0438u043e

„Само врз основа на сведочењето на човекот кој се наоѓа во самиот центар на криминалната шема што тој ја создаде, на удар се ставаат не само кариерите и судбините на многубројни чесни спортисти, туку и интегритетот на целото меѓународно Олимписко движење“, се вели во изјавата на Олимпискиот комитет на Русија.

ОКР исто така го критикуваше и ставот на комисијата на Ричард Мекларен, која дозволи исклучување на целата руска репрезентација од Олимпијадата во Рио.

ОКР истакна дека Русија ги поддржува максимално жестоките мерки против спортистите кои употребуваат допинг. Притоа земјата има намера да обезбеди почитување на правата на „чистите спортисти“.

„Оние кои во текот на целата кариера, благодарение на упорните тренинзи, талентот и силата на волјата се стремат да го остварат својот олимписки сон, не треба да зависат од неаргументирани, недокажани обвинувања или криминални постапки на одделни лица. Тоа е нашиот принципиелен став“, се вели во изјавата на ОКР што ја пренесува РИА „Новости“.

Сите права ги задржува „Росијскаја Газета“.