Медведев го коментираше обидот за воен удар во Турција

Настаните во Турција зборуваат за силни противречности во општеството и армијата на земјата, изјави премиерот на Русија Дмитриј Медведев, пишува „Газета.ру“.

Според зборовите на рускиот премиер, настаните кои се случија во Турција, допрва треба да се анализираат.

„Совршено е очигледно дека во овој момент таму се случуваат воени судири. Но, се разбира, потребно е на територијата на нашата соседна држава да биде воспоставен уставниот поредок за да се почитуваат сите права и слободи предвидени со нивното законодавство“, изјави Медведев.

u041fu0443u0442u0438u043d: u0431u0435u0437u0431u0435u0434u043du043eu0441u0442u0430 u043du0430 u0420u0443u0441u0438u0442u0435 u0432u043e u0422u0443u0440u0446u0438u0458u0430 u043du0430 u043fu0440u0432u043e u043cu0435u0441u0442u043e

Премиерот на РФ изјави дека властите треба да преземат напори за заштита на интересите на Русите и руските компании. Според него, соодветни упатства биле дадени до Министерството за транспорт на РФ и другите институции.

Со свој коментар за настаните во Турција се јави и шефот на комитетот на Советот на Федерацијата за меѓународни работи Константин Косачов, пренесува ТАСС.

„Тоа беше борба за власт, каков што е и секој обид за преврат“; напиша сенаторот на својата Фејсбук страница.

Обидот за воен удар е последица на кризата во односите меѓу сегашните власти во Турција и воената елита (или значителен дел од неа) и која постои сите години од владеењето на Ердоган поради застранувањето на турскиот претседател од патот зацртан од таткото на турската нација, Мустафа Кемал Ататурк.

Сите права ги задржува „Росијскаја Газета“.