Путин и Ердоган разговараа за нормализација на односите

29 јуни 2016

Руска реч на македонски

Претседателот на Русија Владимир Путин разговараше со турскиот колега Реџеп Таип Ердоган за укинување на ограничувањата за посета на руски туристи на Турција, соопштува прес-службата на Кремљ.

Путин и Ердоган го одржаа телефонскиот разговор во средата, во текот на кој се договорија да преземат мерки за нормализација на односите меѓу двете земји и за лична средба. Разговорот траеше повеќе од 40 минути.

u0417u043eu0448u0442u043e u0415u0440u0434u043eu0433u0430u043d u043cu0443 u0441u0435 u0438u0437u0432u0438u043du0438 u043du0430 u041fu0443u0442u0438u043d

„Рускиот лидер изјави дека ќе ѝ наложи на владата (на РФ) да стапи во преговори со соодветните турски ресори за да се обнови заемно поволна билатерална соработка во трговско-економската и други сфери“, се вели во соопштението што го пренесува РИА „Новости“.

Во соопштението на Кремљ се истакнува дека турската влада треба да преземе „дополнителни чекори насочени кон обезбедување на сигурноста на руските граѓани“.

Средбата меѓу Путин и Ердоган веројатно ќе се одржи во рамките на самитот на Г-20 што ќе се одржи на 4-5 септември во Кина, пренесува телевизијата НТВ повикувајќи се на извор во администрацијата на турскиот претседател.

Последен пат Путин и Ердоган разговараа во ноември минатата година на самитот на Г-20 во Анталија, пишува „Взгљад“.

Сите права ги задржува „Росијскаја Газета“.

русија и турција Накратко