ИААФ ја суспендира Руската асоцијација на атлетски федерации

17 јуни 2016

Руска реч на македонски

Министерството за спорт на Русија ја оцени одлуката на Советот на Меѓународната асоцијација на атлетски федерации (ИААФ) како забрана за учество на руските атлетичари на Олимпијадата во Рио де Жанеиро.

Советот на Меѓународната асоцијација на атлетски федерации (ИААФ) едногласно одлучи да ја остави во сила дисквалификацијата на Серуската федерација на атлетика (ВФЛА) поради неисполнувањето на критериумите за обновување на членството, соопштува „Би-Би-Си“.

u0420u0443u0441u0438u0458u0430 u043du0430u0434u0432u043eu0440 u043eu0434 u043bu0435u0441u043du0430u0442u0430 u0430u0442u043bu0435u0442u0438u043au0430: 3 u043cu043eu0436u043du0438 u0441u0446u0435u043du0430u0440u0438u0458u0430

Дисквалификацијата на ВФЛА значи дека во моментот на руските спортисти не им е дозволено да учествуваат на Олимписките игри во 2016 година. Сепак, Меѓународниот олимписки комитет (МОК) на состанокот на организацијата на 21 јуни има право да им дозволи да учествуваат на Олимпијадата.

Министерството за спорт на Русија во петокот изрази разочарување од одлуката на ИААФ за продолжување на суспензијата на атлетската репрезентација на Русија за учество во меѓународни натпреварувања.

„Резултатите од гласањето на членовите на Советот на ИААФ создаде невидена ситуација: руските спортисти нема да можат да учествуваат во игрите на XXXI Олимпијада во 2016 година во Рио де Жанеиро (Бразил). Сонот на многу наши спортисти е уништен поради несоодветното однесување на поединечни спортисти, тренери и стручњаци“, се вели во соопштението објавено на официјалната веб страница на Министерството за спорт на Русија во петокот.

Сите права ги задржува „Росијскаја Газета“.

спорт атлетика Накратко