Можно е одделно зачленување во НАТО на Финска и Шведска

Претседателот на Финска Саули Ниинисте изјави дека Хелсинки може да го разгледа прашањето за зачленување на земјата во НАТО-пактот одделно од Шведска, соопштува Yle, а пренесува „Рамблер Њуз Сервис“.

Според зборовите на претседателот, прашањето за членство на Финска во НАТО треба да се изнесе на референдум за да се земе предвид мислењето на граѓаните за оваа одлука.

„Секоја од земјите, се разбира, одговара за својот процес на донесување одлука за НАТО“, истакна претседателот на Финска. Притоа, според неговите зборови, „мислењата во една земја можат да влијаат на мислењата во другата“.

Претходно работна група, формирана од финската влада, направи извештај во кој се произнесе дека присоединувањето на земјата кон НАТО ќе ги влоши односите со Русија и ќе им нанесе штета на трговските врски со Москва.

u041du0410u0422u041e u0458u0430 u043fu0440u0435u0434u043bu0430u0433u0430 u0437u0430u0431u043eu0440u0430u0432u0435u043du0430u0442u0430 u0438u0434u0435u0458u0430 u043du0430 u041cu0435u0434u0432u0435u0434u0435u0432

Авторите на извештајот не гледаат никакви политички или практични пречки за стапувањето на Финска во воената алијанса, но, истовремено, членството на Хелсинки во НАТО ќе предизвика остра политичка реакција од страна на Москва, што ќе изврши влијание на трговијата меѓу земјите, се вели во отчетот до финскиот премиер Јуха Сипиља.

Во извештајот нема директни препораки за потребата од членство во пактот, но се истакнува дека заедничкото стапување во НАТО на Шведска и Финска ќе биде стратешки поправилен избор отколку зачленувањето во Алијансата поединечно.

На 29 април министерот за надворешни работи на РФ Сергеј Лавров изјави дека Русија го задржува за себе правото да преземе мерки на одговор во случај на стапување на Шведска во НАТО.

Членството на Финска во НАТО ќе ја удвои должината на границите меѓу членките на Алијансата и Русија и ќе изнесува околу 2,5 илјади километри.

Сите права ги задржува „Росијскаја Газета“.