Русија ќе воведе TAX FREE за странци

Системот „без данок“ (tax free), кој им овозможува на странските туристи да повратат дел од даноците од купената стока ќе почне да важи веќе годинава. Ова го соопштува весникот „Комерсант“ повикувајќи се на свој извор. Во пилот-проектот се подготвени да учествуваат најголемите домашни луксузни продавачи на мало, а преговорите се водат со основните оператори на tax free – „Глобал Блу“ (Global Blue) и „Премиер Такс Фри“ (Premier Tax Free (Fintrax).

Минималната сума за купување на непрехранбени производи за кои странските државјани ќе можат да добијат поврат на ДДВ ќе изнесува 10 илјади рубли (155 американски долари). Пилот-проектот за tax free ќе стартува во големите московски трговски центри: ГУМ, Петровски пасаж, ЦУМ, „Барвиха Luxury Village" и др. По завршувањето на експериментот на системот tax free ќе можат да се приклучат други, помали трговци на мало. За волја на вистината, за да се приклучат на tax free ќе треба да поминат специјална сертификација во Министерството за индустрија и трговија.

u0421u043e u0431u043eu043bu043au0430 u043fu0440u0435u043cu0438u043du0443u0432u0430u043cu0435 u043au043eu043d u043du043eu0432 u043cu043eu0434u0435u043b

Се очекува воведувањето на Tax free да даде дополнителен развој на трговијата. А потенцијалната добивка за руската економија може да изнесува стотици милиони евра - според оценките на главниот менаџер на ЦУМ Александар Павлов. Впрочем, според мислењето на Министерството за финансии и руската туристичка индустрија, повратот на ДДВ на нерезиденти е бескорисна мерка: таа нема да привлече нови туристи, а ќе создаде загуби во буџетот.

Во Русија важат две ставки за ДДВ - 10% (важи за прехранбени производи и стоки за деца) и 18%.

Во консалтинг-компанијата „Делоит“ пресметаа дека со воведувањето на tax free ќе се покачи собирањето на увозните царини и за три години овие такси ќе ги неутрализираат загубите во буџетот од повратот на ДДВ. Впрочем, тоа ќе се случи под услов ДДВ за поврат да биде ограничен на 10%.

Сите права ги задржува „Росијскаја Газета“.