Путин првпат ги коментираше „Панамските документи“

Рускиот претседател го нарече истражувањето за оф-шор сметките на Меѓународниот конзорциум за новинарски истражувања (ICIJ) „обид да се разниша ситуацијата однатре“ и „да се направи Русија попустлива“. Во „панамските документи“ не станува збор за него, а покрај тоа, во нив нема коруптивна компонента, додаде Владимир Путин.

u041cu0435u0434u0438u0443u043cu0438: u201eu041fu0430u043du0430u043cu0441u043au0438u0442u0435 u0434u043eu043au0443u043cu0435u043du0442u0438u201c u043fu043eu0432u043eu0434 u0437u0430 u043fu0440u043eu0448u0438u0440u0435u043du0438 u0441u0430u043du043au0446u0438u0438 u043fu0440u043eu0442u0438u0432 u0420u0443u0441u0438u0458u0430

„Еве има некој пријател на господинот претседател на Русија, тој нешто направил таму, тоа има некаква коруптивна компонента... Каква? Таму нема никаква“, изјави тој.

Станува збор за познатиот виолончелист и близок пријател на претседателот на Русија Сергеј Ролдугин кој стана централна фигура во делот на истражувањето што се однесува до Русија. Во „документите“ го нарекуваат раководител на оф-шор империја и „чуварот на парите на Путин“, на чија сметка има наводно 2 милијарди долари. Путин изјави дека се гордее со таквите луѓе како неговиот пријател Ролдугин. Според зборовите на претседателот, речиси сите свои средства Ролдугин ги трошел на музички инструменти кои им ги подарувал на државните установи. Ролдугин се занимава со претприемништво, „но не заработува милијарди долари“, потенцираше Путин.

Меѓународното истражување „Панамски документи“ беше објавено на 3 април врз основа на протекувањето на податоците од панамската правна фирма „Мосак Фонсека“ и зборува за оф-шор сметки на функционери од Исланд, Велика Британија, Украина, Азербејџан итн. Еден дел од извештајот е посветен на 12 руски политичари и бизнисмени.

Сите права ги задржува „Росијскаја Газета“.