Столтенберг: Состанок на Советот Русија-НАТО засега е невозможен

12 февруари 2016

Руска реч на македонски

По средбата со шефот на руската дипломатија Сергеј Лавров во Минхен, генералниот секретар на НАТО Јенс Столтенберг изјави дека во моментов одржувањето состанок на Советот РФ-НАТО е невозможно.

Генералниот секретар на НАТО Јенс Столтенберг изјави дека засега нема можност за одржување на состанок на Советот Русија-НАТО, соопшти „Ројтерс“.

„Ако би се впуштил во детали зошто не можеме да го свикаме овој состанок, мислам дека уште повеќе ќе го усложнам неговото свикување“, изјави Столтенберг по средбата со министерот за надворешни работи на РФ Сергеј Лавров во Минхен.

Претходно беше соопштено дека Лавров и Столтенберг дискутирале за перспективата на односите Русија-НАТО. Како што изјави за новинарите заменикот-министер за надворешни работи на РФ Алексеј Мешков, Лавров ја искажал загриженоста на Москва во врска со зајакнувањето на Алијансата на границите со Русија, пренесува РИА „Новости“.

Сите права ги задржува „Росијскаја Газета“.

русија и нато Накратко