Песков: Нема руски авиони во Сирија

„Не треба да им се верува на тие соопштенија“, изјави портпаролот на рускиот претседател Дмитриј Песков, коментирајќи ги информациите на медиумите дека наводно руски авиони и хеликоптери ќе учествуваат во бомбардирањето и нанесувањето воздушни удари врз „Исламската држава“ на територијата на Сирија, пренесува РИА „Новости“.

Претходно израелски медиуми информираа дека Русија пристапила кон „воена интервенција во Сирија“, и дека во следните денови во земјата ќе пристигнат руски ловци, јуришни хеликоптери, советници, воени инструктори, пилоти и сличен персонал.

Руските власти многупати имаат изјавено дека не се ни поставува прашањето за испраќање руски војници во Сирија за борба со терористичката група „Исламска држава“, како и за учеството на руска авијација во ударите врз терористите. Особено на почетокот на август за тоа зборуваше портпаролот на рускиот шеф на државата  Дмитриј Песков.

Сите права ги задржува „Росијскаја Газета“.