Рубини: Раскол во ЕУ по Брегзит

Американскиот економист Нуриел Рубини, кој ја претскажа светската криза во 2008 година, инаку раководител на сопствената експертска агенција Roubini Global Economics, одржа предавање за најголемите предизвици на светската економија на Меѓународниот финансиски конгрес во Санкт Петербург.

Рубини го започна своето предавање со шега: „Кога го прашале Горбачов кога отишол во посета на САД во каква состојба е економијата на Русија, тој одговорил со само еден збор: Good. Западните лидери побарале да објасни со барем два збора, тој прецизирал: Not good“. Според Нуриел Рубини, светската економија сега се наоѓа во слична состојба. „Добрите вести за светската економија се состојат во тоа што по финансиската криза 2008 година започна рецесија, по што следуваше економски пораст“, рече економистот. Кинеската економија го забави темпото на пораст, но не доживеа колапс, благодарение на што беше избегната втора глобална рецесија.

Брегизт ќе доведе до раскол во ЕУ

„Брегзит останува регионален, а не глобален шок. Тој не може да се спореди со банкротот на Lehman Brothers со кој во 2008 година беше започнат светскиот колапс“, уверен е Рубини. Според него, светските пазари умерено реагираа на резултатите од гласањето во Британија. За волја на вистината, Брегзит веќе предизвика финансиска волатилност и слабеење на јапонскиот јен, но влијанието на британскиот референдум на активите на САД и на земјите во развој досега беше прилично ограничено. Сепак, понатамошните последици можат да бидат мошне посериозни, зашто Брегзит може да предизвика верижна реакција.

u041au0430u043au043e u0411u0440u0435u0433u0437u0438u0442 u043cu043eu0436u0435 u0434u0430 u0441u0435 u043eu0434u0440u0430u0437u0438 u043du0430 u0440u0443u0441u043au0430u0442u0430 u0435u043au043eu043du043eu043cu0438u0458u0430?

„Желбата на Велика Британија да ја напушти ЕУ може да предизвика дезинтеграција на силите во Европа“, смета Рубини. Брегзит е криза која може да го загрози единствениот пазар на ЕУ и да доведе до распад на Шенгенскиот договор, смета познатиот економист. „Да претпоставиме дека Велика Британија ќе излезе од ЕУ. Тогаш Шкотска и Ирска, исто така, ќе сакаат да се одвојат. Во согласност со ваквото сценарио, Каталонија ќе посака да се одвои од Шпанија, Шведска и Данска можат да кажат дека Европа без Велика Британија е еврозона, а тие не сакаат да бидат во еврозона, па и ти ќе се одделлат“, смета Рубини.

Освен тоа, земјите од ЕУ се изморени од политиката на цврста економија. Според Рубини, најмногу штета од Брегзит ќе има економијата на Велика Британија, која ќе се соочи со забавување на економскиот пораст и со слабеење на инвестициските активности.

Како ќе се прилагоди Русија?

„И покрај постојните економски проблеми, во Русија тековниот економски систем е многу помалку ранлив и е постабилен за разлика од пред неколку години. Во текот на изминативе две години руската економија не страдаше само поради западните санкции и поради падот на цената на фосилното гориво, ами и поради побавниот пораст на економијата на Кина“, смета Рубини. Според него, скоро руската економија може да забележи пораст од 1 до 2%.

„За разлика од Саудиска Арабија која смета дека падот на цената на нафтата е привремена појава и не презема ништо, Русија реагираше добро“, смета Рубини. Конкретно, во услови на ниски цени на нафтата руските власти ја сменија кредитната политика и се ориентираа на таргетирање на инфлацијата, а не на економскиот пораст. Рубини смета дека Русија и понатаму е загрозена од намалените приходи на населението и од социјалната нестабилност.

Освен тоа, и понатаму се присутни глобалните ризици кои се карактеристични за земјите во развој. „Денес од глобализацијата имаат полза земјите кои поседуваат висококвалификувани стручњаци, способни да произведат технички сложена стока. Земјите со нискоквалификувана работна сила ја губат трката во глобализацијата“, вели Рубини. Од друга страна, стареењето на населението во развиените земји ги редуцира инвестициите, ја намалува динамиката на потрошувачка на стока и го кочи порастот на светската економија. Населението не старее само во САД и во Јапонија, ами и во Кина и во Русија, смета Рубини. Сепак, според него, денешните глобални ризици не можат да предизвикаат нова светска криза.

Сите права ги задржува „Росијскаја Газета“.