Зошто туристите треба да доаѓаат во Москва

На 26 и на 27 октомври во Атина беше одржан Руско-грчкиот форум за меѓурегионала и меѓулокална хуманитарна соработка во рамките на годината Русија-Грција. На форумот кој беше организиран од страна на Россотрудничество беше прикажана презентација на Одделот на надворешноекономски и меѓународни врски на Москва во кој се зборува за тоа како се менува руската престолнина и какви промени се очекуваат во блиска иднина. „Руска реч на македонски“ избра неколку цифри и факти по кои секој ќе посака да замине во Москва.

1. Според рејтингот на меѓународната агенција ATKearney Москва во 2015 година се нашла на 14 место на рејтингот големи градови во светот (пораст за 11 места за 6 години), а исто така станала и меѓународен лидер според количеството музеи (во моментов во престолнината ги има повеќе од 400).

Москва ќе добие „метро-лајт“

2. Во 2016 година за првпат во историјата на правење на рејтингот Pricewaterhousecoopers Rating Москва стана лидер меѓу 7 мегаполиси кои се развиваат најбргу во светот, оставајќи го зад себе Пекинг. Москва го зазеде лидерското место во 5 од 10 индикатори, меѓу кои се транспортот и инфраструктурата, природната средина, нивото на развој на технологии и приспособливоста за живот.

3. Московското метро обезбедува стабилен превоз до 9 милиони патници дневно, што дава најголем придонес во растоварувањето на градската патна мрежа. До 2025 година метрото треба да стане за половина подолго – моменталната должина на патиштата изнесува 329 километри, а планирано е да се изградат уште 183 километри.

4. Огромниот парк „Зарадје“ (130.000 квадратни километри) наспроти московскиот Кремљ планирано е да биде отворен на Денот на градот во 2017 година, а ќе може да прими до 12 милиони посетители годишно. Долго време на ова место се наоѓаше „најгрдата зграда во Москва“ – комплексот хотели Росија. Се сметаше дека со својот надворешен изглед го уништува ансамблот на Кремљ и дека во целост нанесува штета на центарот на градот. Паркот треба да ја одразува разноликоста на флората на четирите климатски зони на Русија. Во негов состав влегува и видиковец на реката Москва, филхармонија под стаклена купола, „ледена пештера“, изложбен културен комплекс, патријаршиско подворје, хотел и подземен паркинг за 430 возила, кафулиња и ресторани и продавници за сувенири.

Московско метро: 18 малкупознати факти и градски легенди

5. Во 2018 година во Москва се планира отворање на „Остров на мечтите“ кој ќе биде најголем во светот покриен тематски парк за забава. Тој ќе биде сместен недалеку од центарот на градот на теророрија од 100 хектари и ќе има лизгалиште, кино, луна-парк Дримворкс, детски тематски кафулиња, парк на филмското студио „Сојузмуљтфилм“, детски супермаркети, продавници за облека и за играчки. Паркот ќе може да прими до 10 милиони посетители годишно.

6. Во Москва се спроведува комплексна реконструкција и развој на олимпискиот комплекс „Лужники“. Целта е да се направи стадион за финалето на Мундијалот во 2018 година, а исто така да биде и мултифункционална арена на земјата, каде ќе можат да се одржуваат не само спортски, ами и културни настани со зачувување на историскиот облик на стадионот кој беше отворен во 1956 година.

7. Во последниве 5 години во парковите во Москва беа засадени 1.4 милиони грмушки и дрвја, беа обновени и создадени 450 опремени зелени територии. Паркот на ВДНХ е еден од најмаркантните архитектурни и хортикултурни објекти и се протега на територија од 600 хектари. Освен изложбениот павиљон на чија територија на поранешната изложба на стопанските достигнувања на републиките на СССР, кој е вброен во спомениците на архитектурата, тука се наоѓа и најголемиот акваиум во Европа – Москвариум кој се протега на 53.000 квадратни метри. Во него се чуваат повеќе од 8.000 видови риби и животни.

8. Како резултат на реновирањето на градските квартали во последниве 4 години се облагородени 140 улици, 200 километри велосипедски патеки и зголемен е бројот на пешачки зони во центарот на градот: без страв од коли може да се прошетате, на пример, по улиците Кузнецки мост, Никољскаја, Триумфалниот плоштад.

Десет необични фотографии од Црвениот плоштад

Сите права ги задржува „Росијскаја Газета“.