Не пропуштајте!
Придружете се на Russia Beyond на Телеграм за повеќе есклузивни содржини
Огромниот простор опкружен со градежна ограда, блиску до Кремљ, долго време зјаеше празен. Во советско време на тоа место се наоѓаше хотелот „Русија“. На конкурсот за проектот за парк кој беше објавен по уривањето на хотелот, победи американското архитектонско биро Diller Scofidio + Renfro. Паркот беше изграден по повод 850-годишнината од Москва во 2017 година.
Поделен е на природни и климатски зони, карактеристични за Русија, претставени со пејзажна архитектура и растителен свет. Застапени се иглолисни шуми и тундра со мов и лишаи, како и ливади, степи и шуми од бреза. Има и подземен музеј, ледена пештера, затворана и отворена концертна сала под стаклена купола. А главната атракција е „лебдечкиот“ мост на реката.
Сé до неодамна, највисоката зграда во Санкт Петербург беше Петропавловскиот соборен храм, една од првите изградени згради, чија висина со шилецот изнесува 122,5 метри. Меѓутоа, во 2018 година доби моќен ривал, кулата Лахта-центар висока 462 метри. Денес тоа е највисоката зграда во Русија и Европа и најсеверниот облакодер во светот. Проектот го изведе британското архитектонско биро RMJM.
Џамијата беше свечено отворена во 2005 година, на илјадагодишнината од постоењето на Казан. Изградбата на местото за богослужба е своевидна посвета на историјата и културата на Татарстан. Порано во центарот на Казан имало историска џамија, која во 1552 година била урната од војската на Иван Грозни. Загинале многу бранители, вклучувајќи го и имамот Кул Шариф. Новата џамија го доби неговото име. Внатрешноста, украсена со гранит и мермер, витражи и гипсени работи со многу позлата, се однесува на Казанската шапка, царската круна на Иван Грозни, направена по неговото освојување на Казан.
„Златниот мост“
saiko3p/Getty ImagesЗа време на советското владеење, Владивосток долго време беше затворен воен град-пристаниште. По распадот на СССР, во градот можеше да влезе секој што сакаше, вклучително и странски гости,. Кулминација на отвореноста беше одржувањето на самитот на АПЕС на Рускиот остров, оддалечен еден километар од Владивосток.
„Руски мост“
Дмитриј Сахаров/Getty ImagesТокму по тој повод е изграден Рускиот мост, уникатен мост со коси кабли кој го поврзува градот со островот, како и мостот преку заливот Златни рог. Тие денес претставуваат своевидно обележје на градот, а Рускиот мост се најде и.на банкнотата од две илјади рубљи
Иволгинскиот манастир-дацан во република Бурјатија е еден од центрите на будизмот во Русија. Основан е во 1945 година кога советската влада стана пофлексибилна во однос на религијата. Со текот на времето околу манастирот почнаа да никнуваат храмови и обредни градби. Од 2002 година, во дацанот е сместена важна реликвија, нераспадливото тело на ламата Даши-Доржо Итигелов, кој седна во позата на лотос за медитација во 1927 година и, според будистичките учења, потона во нирвана. Неговото тело и денес се наоѓа во позата на лотос, а во 2008 година во дацанот за него беше изградена Палатата на Хамбо-лама Итигелов во кој се чува како светиња.
Зимската Олимпијада одржана во 2014 година во суптропско климатско подрачје беше уникатен настан. Во Краснаја Полјана беше изградена уникатна скијачка инфраструктура, а низ планините нов пат, вистинско инженерско чудо. Покрај морето беше изграден олимписки парк со неколку ледени арени и стадиони, а главната атракција во паркот е распеаната фонтана. И сето тоа со морето и палмите во позадина! Во 2018 година на стадионот „Фишт“ се играа натпревари од Светското првенство во фудбал кое таа година се одржа во Русија.
По распадот на Советскиот Сојуз, дојде до редефинирање на историското минато и грешките на советската власт. Посебно внимание беше посветено на споменот на убиеното семејство на императорот Николај II. На местото каде што се наоѓаше куќата на трговецот Ипатјев во Екатеринбург, во подрумот каде што се случи трагедијата, на почетокот на 2000-тите беше изграден Храмот на крвта. Светилиштето е посветено не само на царот Николај и членовите на неговото семејство кои беа прогласени за светци, туку и на сите светци на руската земја. Православниот храм изграден во неовизантиски стил денес е една од главните знаменитости на градот.
Сликарот Николај Полиски е најзаслужен за тоа што во 2010 година во Калушката област беше отворен природен парк со ленд-арт објекти, направени од природни материјали. Еднаш или двапати годишно овде се одржува фестивалот „Архстојание“. Токму по фестивалот на оваа дестинација никнуваат нови архитектонски објекти кои попрво може да се сметаат за уметнички.
Меморијалот посветен на војниците кои загинаа во една од најкрвавите битки во Втората светска војна, битката кај Ржев (повеќе прочитајте овде) беше отворен во Тверската област во јуни 2020 година. Во периодот од октомври 1941 година до март 1943 година, повеќе од 1,3 милиони припадници на Црвената армија беа убиени, ранети, исчезнати или заробени овде. Централното место во меморијалниот комплекс го зазема 25 метри високата скулптура на советски војник чија наметка се претвора во јато жерави. Тоа е референца на една од најпопуларните и највпечатливите песни за војната „Жерави“ (текст на Расул Гамзатов и музика на Јан Френкељ).
Недалеку од островот Кант, каде што се наоѓа Катедралата, една од клучните знаменитости на градот, во 2000-тите беше изграден туристички реон. Пред Втората светска војна Калининград беше прускиот град Кенигсберг, така што архитектурата на новото „село“ ја следи нишката на историската пруска градба. Името зборува за рибарското минато на жителите на тој локалитет. Во Рибарското село има хотели со необичен дизајн, рибни ресторани, како и уреден кеј на реката Прегоља.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче