Каде на патување по Русија со ретро воз?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

1. „Рускеала експрес“, Сортавала-Рускеала

Петр Ковалев/TASS

До познатиот планински парк Рускеала може да се стигне со луксузен ретро воз. Вагоните се стилизирани во манир на крајот на XIX век, а парната локомотива ЭР, модел од 1949 година, е автентична.

„Рускеала експрес“ сообраќа секојдневно меѓу градот Сортавала и паркот.

2. „Селигер“, Бологое-Осташков

АО «МТ ППК»

Секоја сабота и недела, од станицата Бологое (175 км од Твер) вози приградски воз влечен од парна локомотива од серијата Л (крајот на 1940-тите). Возачот и персоналот носат униформи од тоа време и продаваат билети кои се верна копија на автентичните. На враќање возот застанува 25 минути на старата станица и музејот Куженкино.

3. Кружната бајкалска пруга

Кирил Шипицин/Sputnik

Постојат многу начини да се стигне до најдлабокото езеро на светот, но можеби најромантичниот е со возот за разгледување знаменитости со парна локомотива од 1940-тите. Поаѓа наутро од железничката станица во Иркутск и патува по Кружната бајкалска пруга со неколку застанувања.

4. „Три доба“, Јарослављ-Рибинск

ОАО «РЖД»

Во сабота од Москва оди ретро воз до древните градови на Златниот прстен, Јарослављ и Рибинск. Рибинск е град во кој сите фирми на продавниците во центарот се дизајнирани по углед на периодот пред Револуцијата. Возовите поаѓаат кога ќе се собере група од 40 луѓе.

5. „Урал експрес“, Екатеринбург - Верхњаја Пишма

ОАО «РЖД»

На ова патување можете да се запознаете со уникатниот музеј на воена и цивилна техника во предградието на Екатеринбург. Еден од најголемите во светот! За да биде патувањето попријатно, во вагон-ресторанот на патниците им се служат уралски шанги, пељмени и пити.

При користење на материјалите на Russia Beyond задолжителен е хиперлинк до изворот од кој е преземен материјалот.