Температурата во Јакутија на северот на Русија се спушти на -61 степени

Во Јакутија во селото Ојмјакон студот достигна -61 степени Целзиусови. Обично живата во термометарот во оваа населба зиме е на околу -40 степени. Оваа година времето „направи исклучок“ и екстремните студови го погодија не само европскиот дел на Русија, туку и Јакутија.

Последниве неколку денови температурата во Јакутија се движеше околу -50 степени. На таков студ се спушти толку густа магла што возачите мораа да се ориентираат буквално по инструментите и светлоста на фаровите на возилата што им доаѓаа во пресрет практично во услови на „нулта видливост“. 

Претходно во Јакутија се случи сериозен дефект на електричната мрежа. Без струја останаа повеќе од 40 илјади жители на оваа руска република. Во реоните каде што дојде до недостиг на струја се бележат големи студови.  

При користење на материјалите на Russia Beyond задолжителен е хиперлинк до изворот од кој е преземен материјалот.