Новогодишни и Божиќни декорации во руските региони во пресрет на Новата 2022 година (ФОТО)

Санкт Петербург. Новогодишна елка на Дворцовиот плоштад. Главната новогодишна елка во градот е украсена во класичен стил со знаменца, топки и украси во вид на куќи, Снешко и коњ со блескава ѕвезда на врвот.

Санкт Петербург

Лев Федосеев/TASS

На главниот плоштад во Мурманск на северот на Русија се сместиле огромни фигури на поларни животни: мечки и ирваси! Посетителите се добредојдени на празничниот саем со интересни подароци и локални деликатеси.

Мурманск

Лев Федосеев/TASS

Јакутск, главниот град на Јакутија, најстудениот регион во Русија, е меѓу првите градови кои годинава беа украсени во Русија.

Јакутск

Вадим Скрјабин/TASS

Белата казањска тврдина ги привлекува туристите и жителите на градот со своето занесно осветлување. Тешко е да се одолее и да не се направи фотографија!

Казањ

Максим Богодвид/Sputnik

Овој парк во Краснодар на југот на Русија е една од најновите градски атракции и ново омилено место за шетање на жителите на градот. Снегот овде е мошне ретка појава, но новогодишното расположение е веќе во воздухот. Дрвјата просто блескаат!

Краснодар

Виталиј Тимкив/Sputnik

Новогодишната елка и празничното осветлување беа поставени и во главниот град на Чеченија - Грозни, кој исто така има една од најтоплите зими во Русија.

Грозни

Магомед Чабаев/Sputnik

Премногу е студено за капење во Црното море, но луѓето од туристичкиот град Геленџик уживаат во благото време и празничните инсталации по должината на брегот. Оваа елка е раскошна!

Геленџик

Виталиј Тимкив/Sputnik

Најзападниот руски град - Калининград, ги накити своите преубави цркви и улици.

Калининград

Михаил Голенков/Sputnik

Новогодишна елка и лизгалиште на плоштадот „Ленин“ во Новосибирск. Оваа година нема да има масовни собири на ова место, но лизгалиштето на 31 декември ќе биде отворено до 22 часот. Луѓето сепак можат да уживаат во осветлувањето колку сакаат!

Новосибирск

Кирил Кухмар/TASS

Во јужниот град Белгород светлата на новогодишната елка беа запалени за време на празничната приредба.

Белгород

Антон Вергун/Sputnik

Се чини дека го најдовме рускиот Дедо Мраз! Запре во Краснојарск заедно со своите ирваси и подароците.

Краснојарск

Иљја Најмушин/Sputnik

Овие светлечки мечки се наоѓаат во еден реон на Москва надвор од центарот на градот. Погледнете како е украсена Москва за дочекот на Новата 2022 година!

Москва

Григориј Сисоев/Sputnik

При користење на материјалите на Russia Beyond задолжителен е хиперлинк до изворот од кој е преземен материјалот.