Србија им стана омилена дестинација за „вакцински туризам“ на Русите

Меѓу граѓаните на Русија Србија стана водечка земја по бројот на продадени „вакцински тури“, соопшти во вторникот Маја Ломиѕе, извршна директорка на Асоцијацијата на туристички агенции на Русија.

„Светската здравствена организација во повеќе наврати соопштуваше дека до крајот на годината „Спутник“ ќе биде признаен и ние се надеваме дека тоа е така и дека нашите туристи исто така ќе можат да ги добијат тие „зелени пасоши“ затоа што примиле призната вакцина“.

Оние туристи кои не сакаат да чекаат одат на „вакцински тури“ и се вакцинираат со признаени вакцини. Мислам дека тоа веќе одамна не е новост. Такви тури се продаваат за неколку дестинации. Засега Србија е најмасовната дестинација во овој сегмент“, рече Ломиѕе.

Според неа, побарувачката за „вакцински тури“ не е особено висока кај руските туристи, но ќе биде присутна сé додека не биде признаена руската вакцина против коронавирус „Спутник V“. „Туристите кои се вакцинирани таму имаат можност да ги посетуваат земјите кои примаат туристи со таква вакцина“, објасни таа.

Во Србија странците можат да ги примат вакцините Pfizer/BioNTech, AstraZeneca и Sinopharm. „Вакцинските тури“ во Србија траат во просек три дена и обично подразбираат лет, престој во хотел, храна, трансфер и здравствено осигурување. Покрај тоа, на Русите не им треба виза за да дојдат во Србија. Туристичките компании нудат „вакцински тури“ и во Германија, но за влез е потребна важечка Шенген виза.

Агенциите секој месец добиваат 10 или повеќе пријави од туристи кои сакаат да примат вакцина признаена од Светската здравствена организација, беше истакнато претходно од Агенцијата за туристички компании.

Претходно, Жарбас Барбоса, помошник-директор на Панамериканската здравствена организација при Светската здравствена организација, изјави дека оваа организација привремено го прекина процесот на одобрување на руската вакцина „Спутник V“. Тој ги повика производителите на руската вакцина да извршат проверка на процесот на изработка на овој препарат.

При користење на материјалите на Russia Beyond задолжителен е хиперлинк до изворот од кој е преземен материјалот.