Сте слушнале ли за Виолетовото езеро во Сибир? Посолено е и од Мртво море! (ФОТО)

Ваква убава боја езерото има само неколку седмици во годината. И тоа време е токму сега! Побрзајте!

Многумина туристи доаѓаат на Бурлинското езеро на Алтај за да ја видат величествената комбинација на сино небо и виолетова вода. Езерото е исто така најголем извор на сол на територијата на Западен Сибир.

Каков е салинитетот прашувате? Поголем одошто во Црно море, во кое, како што е познато, телото не тоне. Бурлинското езеро е најдлабоко на околу 2 километри од брегот и таа длабочина изнесува 2.5 метри.

Езерото со површина од 31 квадратен километар се прочуло пред 200 години, благодарение на Романови, владејачката руска династија. Царски соленик, така Петар Велики го нарекол езерото, а Екатерина Велика едно време барала за нејзината трпеза да се користи сол само од ова езеро, зашто сметала дека е многу квалитетна.

Оттогаш езерската сол се собира со вистински железнички вагони. На дното на езерото се поставени шини, а во еден воз се товарат до 18 тони сол.

Солта и калта од Бурлинското езеро се лек за многу кожни болести, што е друга најголема причина за туристички посети. (Првата, секако, е можноста да си го наполните албумот со прекрасни фотографии!)

„Влегов во езерото и веднаш почувствував како ме печат гребаниците што ми ги имаше оставено мачката на ногата. Магијата на солта толку брзо проработи што на крајот од денот гребаниците исчезнаа. Ех, кога би можела оваа вода да ми го залечи и срцето“, вели Марина од Новосибирск.

Кога е ладно Бурлинското езеро не се разликува од кое било друго езеро. А, кога станува топло, тоа добива оригинална виолетова боја.

Но, како што веројатно веќе сте си помислиле, необичната боја не е поради солта. Виновници се само малите 15-милиметарски ракчиња, кои се присутни и во други солени езера низ светот. Кога ќе започне нивното активно размножување, ги има толку многу што се стекнува впечаток дека самата вода е виолетова.

Најубава виолетова нијанса езерото добива кон крајот на јули и почетокот на август.

Бидејќи го дознавте ова и веќе ги спакувавте куферите, можете да се упатите во Алтајскиот крај, Славгород (3.241 километар источно од Москва), а потоа уште 18 километри до населеното место Бурсољ.

„Руски Малдиви“: Сибирско езеро без капачи, но одлично за селфи! (ФОТО)

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња