„Сибирски Малдиви“: Ни деноноќното обезбедување не ги сопира Русите да посетуваат токсично езеро

© Ирина Киселева
Сибирската компанија за производство на електрична енергија, која и ја направи оваа водена депонија, распореди чувари на целата територија, но мештаните наоѓаат пат до преубавата тиркизна вода. Селфи фотографии има сѐ повеќе!

Како што веќе пишувавме, илјадници жители на Новосибирск се залетаа да се сликаат до водата полна со тешки метали и штетни супстанци.

Езерото го нарекоа „Руските Малдиви“ поради преубавите нијанси на сината боја кои не се менуваат ни кога е облачно. Сето тоа на „Инстаграм“ навистина изгледа преубаво.

Но, треба да се знае дека езерото ја попримило таквата нијанса на сина поради реакцијата на елементите од токсичниот отпад од локалната термоелектрана.

Сибирските Малдиви се всушност јама ископана за потребите на таа термоелектрана, а во водата се слеваат сите нечистотии добиени од согорувањето на јагленот.

Во секој случај, предупредувањата, па дури ни деноноќната стража околу езерото не ги спречуваат инфлуенсерите да ги прескокнуваат оградите и да доаѓаат по нови фотографии. А фотографиите се, мораме да признаеме, фантастични.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња