Топлотен удар на најледената плажа на светот! Разгледници од Јакутија

instagram.com/anastasiagav
Во најстудениот регион на Русија луѓето доаѓаат на плажа да се сончаат на ледници.

Зарем на големи жештини  многумина не би посакале да се испружат на мраз? Во Јакутија постои вистинското место за тоа: ледникот Булуус 100 километри од Јакутск, главниот град на републиката.

Булуус во превод од јакутски значи „ледник“. Ова е многу посебно место, затоа што тука се наоѓа извор на подземни води на кој се формира слоевита ледена маса на слатка вода. Затоа не се топи дури ни лете.

„Колку е само убаво на жега неколку секунди да седнете на мраз!“, пишуваат туристите на социјалните мрежи.

Лете на ова место човек може да ужива во бајковитиот пејзаж. Замислете си само: +30°C (во Јакутија летото е обично топло, макар кратко), зелена трева, густа борова шума и бел ледник.

Кога времето е топло, горните слоеви на Булуус се топат и тогаш по целиот ледник се формираат извиткани тунели.

Секој ден тука доаѓаат голем број туристи. Зиме се санкаат, а лете прават скара.

Освен тоа, Балуус е просто идеално место за фотографирање.

Некои посетители прават толку „жешки“ фотографии што е вистинско чудо што ледникот сѐ уште не се стопил!

Но жителите на Јакутск не се плашат од студот: во нивните краишта зиме температурата се спушта и до -70°C. На шега дури велат дека зиме е потопло да се седи во фрижидер отколку да се шета по улица.

Дури ни во најжешките денови температурата на мразот не надминува +6°C.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња