Жител на Санкт Петербург ја преплива цела Нева

Мост на реката Нева. Санкт Петербург, Русија.

Мост на реката Нева. Санкт Петербург, Русија.

Global Look Press
Полицијата го приведе 35-годишниот жител на Санкт Петербург Алексеј Середкин, кој ја преплива реката Нева од езерото Ладога до Финскиот залив.

Во Управата за транспорт на МВР за Северо-Западниот федерален округ изјавија дека активистот заедно со групата за поддршка е приведен поради тоа што ги немал неопходните дозволи за престој во акваторијата на поморското пристаниште.  

„Ни дозволија да излеземе на брегот, поседовме, се загреав. Потоа нѐ однесоа во станица, ни зедоа изјави. Раскажавме што правевме, по што нѐ пуштија“, изјави Середкин, пренесува „Лента.ру“.

Тој нема намера да го повтори подвигот. Сега неговата цел е да го преплива Ла Манш, нешто што не му успеа минатата година.

Во вторникот, 25 јули, Середкин за 14 часа преплива 74 километри по реката при температура на водата од 15 степени Целзиуссови. По патот го придружуваа два чамци.

Середкин не е професионален пливач.

                                                                            

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња