Србија ќе продолжи со антисанкциската политика во однос на Русија

„Во изминатиот период во текот на периодот што не беше лесен за Русија сметаме дека го покажавме и докажавме нашиот искрен и пријателски однос кон Русија со тоа што останавме една од малкуте европски земји која и покрај многубројните барања од цел свет не воведе никакви санкции против Русија. Србија ќе продолжи да води таква политика и во иднина“, ги цитира зборовите на српскиот премиер РИА „Новости“.  

Тој исто така изјави дека Србија ќе ги врати долговите спрема Русија и „Гаспром“ во дадените рокови или пред рокот, што „јасно го покажува подобрувањето во српскиот буџет и желбата за изградба на односите со Русија на чиста и одговорна основа“, пренесува ТАСС.  

Вучиќ соопшти и дека Србија и Русија дискутирале за потпишување договор меѓу Белград и „Гаспром“ за проширување на складот за гас „Банатски двор“ на 1 милијарда кубни метри.

„Србија ќе остане пријател на Русија, но на рационална основа“, додаде Вучиќ.

Од своја страна рускиот премиер Медведев изјави дека разговорите меѓу Русија и Србија биле успешни и дека се карактеризираат со пријателство и перспективи, пренесува „Взгљад“.

Сите права ги задржува „Росијскаја Газета“.