Не пропуштајте!
Придружете се на Russia Beyond на Телеграм за повеќе есклузивни содржини
Веројатно ова е најславниот советски фотоапарат некогаш направен. Тоа е всушност 35-милиметарска SLR филмска камера која доаѓа со објектив од 35 мм. Најпопуларниот модел во оваа серија е „Зенит-Е“, кој беше произведен во повеќе од 3 милиони примероци помеѓу 1965 и 1986 година.
Камерата е исклучително цврста, што ја прави многу издржлива, но тоа си има цена. Според еден популарен фотограф: „Оваа работа е парче железо“. Меѓутоа, ова е добра опција да размислите ако сте љубител на старите фотоапарати на Leica, но не можете да си ги дозволите, бидејќи овој советски фотоапарат е исклучително евтин (во Русија некои може да се купат за помалку од 10 евра).
„Хоризон“ е многу необичен проект на „Зенит“ за панорамска камера со механички подвижен објектив. Овој фотоапарат користи леќа вградена во ротирачки барабан и служи за создавање слики со широк агол со сооднос ширина-висина од 2,4:1, на 35-милиметарски филм.
За време на процесот на фотографирање, при штракањето, барабанот ротира од една на друга страна, овозможувајќи светлината постепено да влијае на филмот од едната страна на другата, за разлика од обичните фотоапарати со бленда, кај кои светлината го осветлува филмот во едно движење.
Широкиот дијапазон на аспекти (пропорции) на ширина и висина, исто така, овозможува креирање повеќе кадри во една слика, што е многу необична техничка можност која некои фотографи многу успешно ја користат.
„Дури околу 180 степени од она што е пред вас ќе заврши во вашиот кадар“, вели еден рецензент на YouTube за својот Zenit Horizon. „Се чувствувам како да држам тенк во раката“, додава тој. „Механички, тоа е навистина добро осмислено. И многу е едноставен за користење“.
Правен по примерот на Leica 2, овој советски механички далечиномер беше претставен во 1956 година и набрзо стана една од првите советски фотоапарати што се извезуваа во големи количини во западните земји.
Брзината на блендата на Zorky се движи од една секунда до 1/1000 од секундата. Неговиот фокусен визир е високо ценет бидејќи овозможува зголемување од 1x, што му дава на уметникот можност да ги држи двете очи отворени при фотографирањето.
Меѓутоа, според сите извештаи, механиката на овој фотоапарат е многу крута, што го прави користењето на камерата застрашувачко искуство за фотографите-почетници. Еден рецензент исто така предупредува: „Ако си играте со него, најверојатно ќе се расипе. Ќе морате првин да го прочитате упатството“.
Овој фотоапарат исто така потсетува на моделот Leica 2. Првпат беше претставен на јавноста во 1955 година, а се произведуваше сé до 1970 година.
Брзината на блендата на оваа камера е ограничена на 1/25, 1/50, 1/100, 1/250 и 1/500. Ова може да изгледа како многу ограничувачка карактеристика, но во исто време го олеснува ракувањето со неа.
Произведуван помеѓу 1967 и 1974 година, овој фотоапарат генерално се смета за цврст и многу сигурен. Се работи за камера со половина рамка, т.е. кадар, што значи дека нејзиниот сензор е исечен. Овој технички фактор ја прави самата камера помала и покомпактна, а нејзината резолуција драстично помала, во споредба со камерата со полн кадар.
Без оглед на тоа, и понатаму е совршено погоден за секојдневна употреба, особено за патувања и улични фотографии. Забавен факт: камерата е именувана по кодното име на првата жена во вселената.
Кликнете овде за да ги видите најскапите советски фотографии кога било продадени.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче