Soha: Руските системи за радиоелектронска борба оневозможија комуникација меѓу терористи

РБ-341В „Леер-3“, комплекс за радиоелектронска борба и радиотехничко извидување, Република Дагестан, воена вежба.

РБ-341В „Леер-3“, комплекс за радиоелектронска борба и радиотехничко извидување, Република Дагестан, воена вежба.

Министерство за одбрана на РФ/Twitter.com/Global Look Press
Руските системи за радиоелектронска борба одлично се покажаа во текот на операцијата на органите на редот во Казахстан. Аеродинамичниот предавател на пречки „Леер-3“ и дронот „Орлан-10“ им онемовозможија на терористите мобилна конекција на стандардот GSM.

Како што соопштува изданието Soha, системите РБ-341В „Леер-3“ и беспилотното летало „Орлан“ се забележани во единиците на вооружените структури на Алма Ата и Нур Султан. Системите за радиоелектронска борба овозможија откривање на местата на концентрација на терористите, попречување на нивната комуникација и спречување на координација меѓу одредите на екстремистите.

Наведеното издание истакнува дека системот РБ-341В „Леер-3“ првпат ѝ беше прикажан на пошироката јавност во 2015 година на изложбата „Ден на иновации на Јужниот воен округ“.

Треба да се истакне дека „Леер-3“ е цел технолошки комплекс со командно возило направено врз база на моделот „КамАЗ-5350“. Покрај апаратура за комуникација, тој има и катапулт за лансирање на беспилотни летала „Орлан-10“. Дронот, чија полетна маса е 18 килограми, а распонот на крилата поголем од три метра, може да развива брзина меѓу 70 и 130 километри на час (во зависност од модификацијата). За потребите на радиоелектронската борба беспилотното летало крева во небо полезен товар тежок 2,5 килограми.

Аеродинамичниот паѓачки предавател „Леер-3“ ја попречува работата на терминалите за мобилна врска GSM испраќајќи им сигнали кои имитираат „лажни“ базни станици со највисок приоритет и најголема сила на емитуваниот сигнал. Радиусот на зоната на блокирање на мобилната конекција изнесува околу шест километри, а беспилотното летало кое ја носи оваа опрема има долет од 200 км.  

Покрај тоа, апаратот може да праќа масовни СМС пораки и да врши набљудување со детектирање на точките од кои се праќаат GSM сигнали, а на артилериските екипажи им праќа податоци за отворање на оган. Екипажот на системот „Леер-3“ се состои од пет члена.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња