Сирија: рускиот спецназ ги преплави позициите на терористите со дронови-камикаѕе „Ланцет“

Во видеото се вели дека во таа прилика била уништена позиција каде што се преработувала украдена нафта. Во нападот учествуваа два дрона-камикаѕе. Целата операција за напад со лојтеринг-муниција ја изведоа единици од составот на Силите за специјални операции (рус. ССО) на руската армија. Се претпоставува дека во таа прилика се употребени дронови-камиказе „Ланцет“.

Според Сергеј Чемезов, кој ја врши функцијата генерален директор на концернот „Ростех“, интелектуалниот комплекс кој е дел од дронот-камикаѕе „ZALA Ланцет“ опфаќа неколку клучни тактички способности како што се извидување, комуникација, навигација и ударна способност. Ова беспилотно летало ќе се произведува во повеќе варијанти.

„Ланцет-1“ ќе биде многу лесно беспилотно летало кое ќе има способност да носи минијатурни боеви глави со тежина 0,7-1,0 килограми, додека, на пример, „Ланцет-3“ ќе биде малку потежок и ќе може да носи двојно поголема боева глава. Благодарение на аеродинамичниот облик на леталото тоа ќе има зголемена способност за маневрирање како и стабилност при пикирање врз целта, со што се постигнуваат максимални резултати кога се работи за избор на целите и прецизност на дејството.

Се работи за исклучително евтино вооружување кое може да оствари максимална брзина од 80-130 км/ч и да погоди цел на далечина и до 40 км. Нивната „интелектуална“ способност ќе овозможи напади во поголеми групи-роеви.

При користење на материјалите на Russia Beyond задолжителен е хиперлинк до изворот од кој е преземен материјалот.