ВИДЕО: Погледнете како руската војска сместува ИБР „Јарс“ во подземен силос

Виталиј В. Кузмин/www.vitalykuzmin.net
Министерството за одбрана на Русија објави видео од сместување на интерконтинетална балистичка ракета „Јарс“ во подземен силос.

Комплексната операција беше изведена во Козелската единица на Ракетните сили за стратешка намена во близина на Калуга.

На снимката се гледа како ракетата тешка 56 тони со должина од 22,5 м се спушта во лансирен силос со помош на специјалeн транспортно-товарен агрегат. Станува збор за полуприколка со 16 огромни тркала, која до местото на утовар ја достави тенковски тегнач.

Потоа од камионот се одвојува приколката со ракетата, сместена во транспортно-лансирен контејнер. Со помош на моќни хидраулични дигалки агрегатот се издигнува вертикално над силосот, по што контејнерот со ракетата почнува полека да се спушта до почетната позиција.

Полнењето трае неколку часа. Во кадарот влегува и отворањето на капакот на подземниот силос. За да се направи ова, член на екипажот истовремено притиска копчиња на неговиот пулт со двете раце.

„Козелската единица е првата што е вооружена со ИБР „Јарс“ со силосно базирање“, соопшти воениот ресор, пренесува „Росијскаја газета“.

 

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња