С-550 и С-500 заедно ќе ги штитат руските стратешки објекти

За ова за ТАСС зборуваше извор близок до воениот ресор. Изворот додаде дека С-550 и С-500 „Прометеј“ имаат различни борбени задачи. Првиот противвоздушен ракетен систем нема да го замени вториот. С-550 не е надграден систем С-500, туку на некој начин негова полесна верзија. И има, тврди изворот, различни методи на дејствување во случај на закана.

Двата противвоздушни ракетни системи ќе ја сочинуваат платформата на новиот концепт на ПВО и заедно со С-350 и системите со краток дострел ќе можат да ги неутрализираат сите можни цели. Меѓутоа, новиот систем нема да биде реанимирана советска противракетна одбрана. При неговото создавање се земени предвид голем број нереализирани идеи.

Претходно беше соопштено дека системот за противракетна одбрана С-550 ќе биде наменет за уништување на орбитални вселенски цели. Меѓу нив спаѓаат и американските беспилотни вселенски бродови Х-37 кои, како што проценува руската војска, може да се користат како вселенско оружје.

При користење на материјалите на Russia Beyond задолжителен е хиперлинк до изворот од кој е преземен материјалот.