ВИДЕО: Погледнете кадри од масовен хеликоптерски десант во близина на Ростов

„Хеликоптерите обезбедија оперативно слетување на механизирана пешадиска чета на стратешки поволна линија во тилот на условниот противник“, соопшти прес-службата на Јужниот воен округ.

Се истакнува дека хеликоптерите „Терминатор“ се способни да транспортираат до 37 луѓе или четири тони товар во трупот на леталото. Борбената способност за преживување на Ми-8АМТШ е исто така обезбедена со уреди за чадни завеси и уреди за исфрлање топлински мамки. Покрај тоа, ротациските уреди за огненото оружје кај вратите и митралезот ПКТ на носот овозможува да се отвори оган од двете страни и од задната хемисфера на хеликоптерот. А ударно-транспортните хеликоптери Ми-35М, покрај огнената поддршка, можат да носат и осум падобранци со полна опрема, пишува „Росијскаја газета“.

Паралелно со десантирањето  удар врз противникот нанесоа главните сили на баталјонската тактичка група. Во битката беа вклучени тенкови Т-72Б3, борбени возила на пешадијата БМП-3, повеќецевни ракетни лансери и артилериски орудија.

Билатералните баталјонски и полковски тактички маневри се изведуваат истовремено на четири полигони за обука - во Ростовската област, Јужна Осетија, Чеченија и на Крим. Во нив учествуваат околу 10 илјади војници, 800 единици воена техника и повеќе од 40 авиони и хеликоптери.

При користење на материјалите на Russia Beyond задолжителен е хиперлинк до изворот од кој е преземен материјалот.