Инцидент во Црното Море: Руската армија за малку не го потопила британскиот разурнувач „Дифендер“?

Борбени Ефективи
Првичните информации велат дека британскиот разурнувач влегол во руските територијални води во близина на ‘ртот Фиолент (Крим). Бидејќи немало реакција на предупредувањата веднаш да го смени курсот и да ги напушти руските води, кон него бил испратен бомбардер Су-24М кој дејствувал со воздухопловни бомби ОФАБ-250 во негова непосредна близина, по што разурнувачот се повлекол.

Според првите податоци, инцидентот се случил околу 11:52 часот по локално време. Имено, руската армија забележала повреда на своите територијални води во близина на ‘ртот Фиолент од страна на британскиот разурнувач „Дифендер“. Овој воен брод влегол 3 км во длабочина на руските територијални води, што претставува сериозна провокација. Руската армија реагирала енергично на оваа акција на бродот на британската Воена морнарица и со огнено дејство на својата авијација го принудила „натрапникот“ да го смени курсот и да ги напушти руските територијални води.

Имено, овој британски брод, и покрај јасните предупредувања дека се наоѓа во руски територијални води, продолжил со својата пловидба по однапред зададен курс. Во временскиот период 12.06-12.08 часот, руски патролен брод отворил оган како знак на предупредување, меѓутоа британскиот екипаж не обрнувал премногу внимание на оваа активност и решил и понатаму да учествува во сериозниот прекршок.

Руската војска околу 12:19 часот во зоната на инцидентот испратила еден бомбардер Су-24М, кој извршил предупредувачко бомбардирање (фрлени се вкупно четири воздухопловни бомби ОФАБ-250). Бомбите паднале непосредно пред британскиот разурнувач, според правецот на неговото движење. После тоа, британскиот разурнувач „Дифендер“ го свртел курсот и ги напуштил руските територијални води, соопштува телеграм-каналот „Борбени Ефективи“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња