Путин свечено ќе означи почеток на производството на вакцината „Спутник Vˮ во Србија и Аргентина

Владимир Путин

Владимир Путин

Сергеј Илин/Kremlin Pool
Претседателот на Русија Владимир Путин заедно со колегите од Србија и Аргентина – Александар Вучиќ и Алберто Фернандез – во петок, 4 јуни, ќе го означи почетокот на производство на вакцината „Спутник Vˮ во тие земји.

„Денес ќе се одржи состанок со инвеститорите и компаниите кои ја произведуваат вакцината „Спутник Vˮ, им соопшти на новинарите портпаролот на шефот на руската држава Дмитриј Песков на маргините на Петербуршкиот меѓународен економски форум (ПМЕФ). Тој додаде дека настанот го организира Рускиот фонд за директни инвестиции (РФПИ). Според претставникот на Кремљ, на тој состанок преку видеолинк ќе присуствуваат претседателите на Аргентина и Србија. „Тие ќе го означат почетокот на производството на „Спутник V“ во нивните земји“, објасни Песков.

На настанот ќе учествуваат и инвеститорите. Главна тема на состанокот ќе биде решавање на последиците од пандемијата.

„Инвестициската активност не е запрена, и покрај многу сложената (2020) година. Профитот опадна, но сепак од гледна точка на кризната година нивото остана прифатливо. И тоа е многу важно“, смета портпаролот на рускиот претседател.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња